Print this page
Mapishi ya Futari 2
Mapishi

Mapishi ya Futari 2

Katika muendelezo wa makala ya mapishi ya futari sehemu ya pili, leo tunakuletea mapishi ya chapati, mbaazi kwa mchicha, mbaazi za nazi, uji wa kunde na juisi ya kuondoa sumu mwilini.

Chapati za Ngano

 

 

 

 

 

 

 

Vipimo

  • Vikombe vya unga wa ngano mweupe 
  • Vijiko vya kulia vya samli safi 
  • Vijiko vya chai vya chumvi 
  • Vikombe vya maji vuguvugu
  • Samli ya kupika chapati 

Namna ya Kutayarisha na Kupika

  • Mimina unga, samli na chumvi kwenye sinia au bakuli kubwa. Changanya pamoja.
  • Mimina maji kidogo kidogo huku unachanganya na ule mchanganyiko wa unga.
  • Mchanganyiko ukishashikana, kanda unga kwa mkono kiasi, kama dakika tano
  • Funika na uache mchanganyiko kwenye sinia kama dakika kumi hivi kwa   kuufunika ili hewa isiingie.
  • Gawanya ule mchanganyiko kwa kufanya madonge kama kumi na nne au kumi na sita kwa chapati ndogo.
  • Mimina unga kidogo mahali ambapo utasukuma chapati.
  • Sukuma donge moja mpaka liwe duwara jembamba.
  • Paka samli kama kijiko kimoja cha kulia, ukihakikisha umepaka duwara lote.
  • Kunja lile duwara kama mfano wa kamba, huku unazungusha kama kamba ili iwe ndefu kidogo.
  • Zungusha ile kamba iwe mviringo. Funika na kitambaa kisafi cha jikoni ambacho kimajimaji kidogo.
  • Endelea namna hii mpaka umalize madonge yote.
  • Sukuma chapati iwe mviringo kama nchi 7 hivi 
  • Pika chapati kwenye frying pan moto wa kiasi. Ikiiva upande mmoja na kuanza kufura/kuvimba, geuza upande wa pili. Tumia kitambaa kisafi cha jikoni kugandamizia na kuzungusha zungusha ile chapati. Ikiiva upande wa pili, mimina kijiko kimoja cha kulia cha samli na ugeuze chapati tena, zungusha zungusha kisha mimina nusu kijiko cha kulia cha samli na ugeuze upande wa pili kidogo. Toa chapati uweke kwenye sahani. Ikunje kunje kidogo kisha uifungue vizuri.
  • Endelea namna hii huku unafuta frying pan na kitambaa  kisafi au karatasi za jikoni (tissue) baada ya  kila chapati.

    • Kidokezo

    Maandalizi ya Chapati

     

     

     

     

     

     

     

    Unapomaliza kuzipika kila moja, zitandaze kwanza chapati katika sahani (au sinia) kubwa zipate kupoa ziwe kavu ili zisinyonye mafuta. Kisha tena ziweke katika sahani yako ya kawaida.

     

     

     

     

     

     

     

    Ni nzuri kutolea na jam au asali

    Chapati kwa Jam au Asali

     

     

     

     

     

     

     

     

    Unaweza ku freeze chapati katika Freezer bags. Kunja chapati  moja moja ziwe nusu. Zifunike na Wax paper, kisha zitie kwenye freezer bags na uzihifadhi katika freezer. Unapotaka kula, toa kwenye freezer na upashe moto katika Microwave. Unaweza kula kwa mbaazi za mchicha, mbaazi za nazi, maharage ya nazi au ya samli/mafuta, choroko za nazi, kunde za nazi, au mboga yoyote ile upendayo.

     Namna ya Kuhifadhi Chapati

     

     

     

     

     

     

    Mbaazi za Mchicha kwa Chapati

    Mbaazi kwa Mchicha

     

     

     

     

     

     

     

    Vipimo

    Mchicha uliokatwa katwa (chopped)                        400 gm au vikombe 3  

    Mbaazi mbichi au kavu                                            1 kikopo au vikombe 2

    Kitunguu                                                                  Kimoja

    Nyanya kopo                                                           ½ kijiko cha chai

    Tui la nazi zito                                                         1 kikombe

    Chumvi                                                                    Kiasi

    Pilipili mbichi nzima                                                    2

    Namna ya Kutayarisha na Kupika

    1. Ikiwa mbaazi sio za tayari, loweka uchemshe hadi ziive.
    2. Osha vizuri mchicha kisha, katakata  mdogo mdogo (chopped) au tumia ulio tayari wa barafu (frozen chopped spinach) 
    3. Katika sufuria, tia mchicha pamoja na mbaazi zilizokwisha iva.  
    4. Katakata kitunguu, utie humo, tia nyanya kopo, tia chumvi na pilipili mbichi nzima .
    5. Tia tui upike katika moto mdogo mdogo hadi zitokote na kuiva mchicha, usiache zikauke sana. Tayari kuliwa na chapati, maandazi au wali.

    Mbaazi za Nazi

    Mbaazi za Nazi

     

     

     

     

     

     

     

     

    Vipimo

    Mbaazi za kopo                                    2 au nusu kilo

    Kitunguu                                              1

    Chumvi                                                Kiasi

    Manjano (curry powder )                      ½ Kijiko cha chai

    Kidonge cha supu (curry cube)            Kipande kidogo

    Mafuta                                                1 Kijiko cha chai

    Pilipili mbichi                                       2 Nzima

    Nazi                                                    3 ½ Vikombe

    Namna ya Kutayarisha  na Kupika

    • Osha mbaazi kwenye chungio na ziache zitoke maji.
    • Kaanga kitunguu kidogo tu kisha tia mbaazi na majano.
    • Tia kidonge cha supu na chumvi pilipili mbichi na nazi
    • vikombe vitatu, utabakisha nusu kikombe.
    • Ikisha kauka kidogo changanya nazi ya unga kama
    • Vijiko 4 vya supu kwenye nazi uliobakisha, mimina kwenye mbaazi
    • Iache motoni kidogo hadi iwe nzito na itakuwa tayari kuliwa kwa maandazi au chapati.

    Uji wa Kunde

      Uji wa Kunde

     

     

     

     

     

     

    Vipimo

    Kunde Kavu                                                  2 Vikombe

    Tui                                                                1 Kikombe 

    Sukari                                                           1 Kikombe

    Maji                                                              7 Vikombe  

    Garam masala                                              ½ Kijiko cha chai

    Hiliki                                                              Kiasi

    Karafuu                                                         3-4 Chembe

    Pilipili manga                                                 ½ Kijiko cha chai

    Chumvi                                                          Kiasi

    Namna ya Kutayarisha na Kupika 

    • Chemsha kunde kavu bila ya kuloweka kwa maji vikombe 4 na sukari kikombe kimoja kwa moto kiasi mpaka ziive
    • Kisha mimina vitu vyote vilivyobakia pamoja na  maji vikombe 3 vilivyobaki na acha ichemke taratibu mpaka maji yapunguke uji uwe mzito.
    • Epua mimina kwenye bakuli  na tayari kwa kuliwa.

    Juisi ya Kuondoa Sumu Mwilini (Detoxifying Juice)

    Juisi ya kuondoa Sumu Mwilini

     

     

     

     

     

     

     

    Vipimo

    Majani ya Kale (kale leaves)                                  3

    Brokoli pamoja na miche yake                               ½ msongo

    Kabeji iliyokatwa pamoja na zizi lake                       ½

    Nyasi majani (fennel)                                           1

    Tufaha (apples)                                                  2

    Namna ya kutayarisha

    • Katakata vitu vyote vipande weka katika bakuli
    • Tia katika mashine ya kukamua juisi, washa mashine ikamue juisi.
    • Mimina katika gilasi ikiwa tayari kunyiwa   

    Kidokezo

    Juisi hii ni ya kuondosha athari za sumu (toxins) zinazokusanyika mwilini na kusababisha maradhi mbali mali. Kutumia kwake kila baada ya muda kunasaidia kusafisha damu na kumuhifadhi mtu na athari za sumu.

    Nyasi Majani (fennel leaves)

     

     

     

     

     

     

     

     

     

     

     

     

     

    Shukrani kwa tovuti ya www.alhidaaya.com kwa makala hii.

    Imehaririwa Jumanne, 09 Juni 2020 11:49
    Tagged under
    Share
    Dr Khamis

    Dr. Khamis H.Bakari (MD PhD) ni daktari bingwa,mhadhiri katika chuo cha afya cha Chuo  Kikuu cha Dodoma,mtaalamu wa Tiba na Uchunguzi kwa kutumia mionzi ya nyuklia (Nuclear medicine).

    Makala zaidi kutoka kwa Dr Khamis

    Makala shabihana