U-hali gani msomaji wetu wa makala zetu za kisukari, karibuni tena katika makala nyingine ya kisukari, leo tunaangalia kwa ufupi tu  siku na mwezi ya kisukari duniani, na pia tutadadavua kwanini kuna mwezi wa kisukari na malengo yake hasa ni nini na pia kwa kuwa sio wote wananojua kuhusu mwezi wa kisukari, karibuni.

Kila mwaka ifikapo mwezi wa November ni siku ya kisukari duniani, mwezi huu wote umetengwa kuwa ni mwezi maalum kwa kueleza elimu na uelewa juu ya tatizo hili ya kisukari, pia kuboresha matibabu ya maradhi yanayotokana na kisukari, maadhimisho wake ni tarehe kumi na nne (14) ya mwezi November.

Kwanini iwe mwezi wa November, tarehe kumi na nne(14)? Inawezekana unajiuliza hili swali kila mara na kila ifikapo mwezi November, shirika ya afya duniani na shirikisho ya kimataifa la kisukari yalikutana na kukubalia kutenga tarehe kumi na nne (14)  November  kuwa ni mwezi wa kisukari duniani kwa sababu ni mwezi ambayo  ndugu Frederick Banting ambaye ni mgunduzi wa kichocheo kiitwacho INSULIN ambacho hutumika kama dawa kwa wengi aina ya kwanza ya kisukari alizaliwa. Katika kumuenzi mgunduzi huyu mashirika haya mawili wakaona ni busara kutenga mwezi huu na tarehe hii kuwa ni siku ya kisukari duniani kote.

Mwezi na siku ya kisukari duniani kwa mara ya kwanza ilizinduliwa na  kuadhimishwa  mwaka 1991,uzinduzi na maadhimisho hayo yalifanywa chini ya shirikisho la kimatatifa ya kisukari(IDF),baada ya hapo ndipo shirika ya afya duniani wakaitambua  mwezi wa November kama ni mwezi wa kisukari duniani na maadhimisho ni tarehe 14.

Tangia hapo mpaka leo dunia inakumbuka na kuadhimisha siku hii ya kisukari duniani, na kila mwaka kunakuwa na kaulimbiu tofautitofauti, kauli mbiu ya mwaka huu kimataifa inahusu na imegusa moja kwa moja wanawake, “WANAWAKE NA KISUKARI”  hii ni kwa sababu wanawake ni moja wa wahanga  wakuu katika kupata tatizo hili, kuna aina ya tatu ya Kisukari, aina hii ya kisukari huwapata wanawake wajawazito na pia aina hii ya kisukari ni moja ya sababu kuu za vifo vya mama na mtoto.

Kwa Tanzania bado kuna changamoto nyingi katika kupambana na kuzuia uongezeko la tatizo hili ya kisukari, moja ya changamoto kuu ni ukosefu wa elimu na uelewa juu ya tatizo hili ya kisukari, katika watu kumi(10) ni wawili tu wenye uelewa na elimu sahihi ya kisukari,wengi wetu hatujui dalili za kisukari, sababu zinapelekea mtu kupata kisukari. Elimu inahitajika kwa kiasi kikubwa na elimu hii isitolewe tu kila siku na mwezi wa kisukari, kila siku kila miezi iwe ni siku ya kisukari,elimu itolewe kuanzia mashuleni,majumbani na sehemu zingine .kwa pamoja tunaweza kupunguza ongezeko ya idadi ya watu wenge kisukari.

Read 61 times Last modified on Jumanne, 21 Novemba 2017 11:22
Facebook Google Plus Twitter LinkedIn
Lucy JohnBosco

Mshauri wa lishe,Muelimishaji na mshauri nasaha kwa watu wenye kisukari,na pia anaishi na Kisukari. Kwa sasa Ni mwanafunzi wa Chuo kikuu cha Dar Es Salaam,anafanya masters katika mawasiliano ya umma.

Anwani ya barua pepe hii inalindwa kutokana na spambots. JavaScript lazima iwe itawezeshwa kwa kuweza kuona.

Related items