Image

Fahamu kuhusu ugonjwa wa Kipanda uso

Kipanda uso ni ugonjwa wa kinasaba unaosababisha maumivu makali ya kichwa kwenye paji la mbele la uso zikiambatana na dalili nyingine ambazo zinaathiri kazi za maisha ya kila siku. Kipanda uso husababishwa na shughuli zisizo tarajiwa kwenye ubongo. Shughuli hizi huweza kusababishwa na mambo mengi, hadi sasa bado haijafahamika ni kitu gani hutokea kusababisha shughuli hizi kutokea. Wanasayansi wengi wanaami kuwa kuna uvamizi hutokea kwenye ubongo ambao huusisha njia za fahamu (nerve pathways) na kemikali. Mabadiliko haya husababisha mabadiliko katika utembeaji wa damu kwenye ubongo ta tishu nyingine zinazouzunguka.

Kipanda uso ni ugonjwa unaotambuliwa kwa dalili zake tu (clinical diagnosis), hakuna kipimo cha maabara ama radiolojia ambacho kinaweza kutambua ugonjwa huu.

Ukweli kuhusu kipanda uso

  • Kinawaathiri wanawake kwa mara 3 zaidi ya wanaume kutokana na mvurugiko wa homoni zao.
  • Upo uwezekano wa asilimia 50 mtoto kurithi kutoka kwa mzazi mwenye ugonjwa huu.

Vihatarishi Vyake

  • Mabadiliko ya homoni kwa wanawake wakati wa hedhi, ujauzito au kukoma hedhi.
  • Unywaji kahawa kwa wingi na pombe.
  • Msongo wa mawazo
  • Mabadiliko ya hali ya hewa ama muda wa kulala.
  • Mwanga mkali ama harufu kali za utuli (perfume)
  • Baadhi ya vyakula ama kuruka baadhi ya milo (skipping meals)

Dalili zake

Hazifanani kwa watu wote. Mara nyingi ni kuumwa kichwa kunako ambatana na

  • Kichefuchefu na kutapika
  • Kichwa kuuma zaidi kwenye mazingira mwanga mkali au kelele.
  • Kukakamaa shingo
  • Wahka (mood changes)

Kinga (seeds technique)

  • Kulala kwa wakati kwenye chumba kisicho na mwanga (Sleep well)
  • Mazoezi unayoyapenda (Exercise)
  • Kula na Kunywa chakula vizuri (Eat well)
  • Kupanga ratiba zako vizuri (Diary)
  • Kupunguza mawazo (Stress Management)

Matibabu yake

  • Dawa za kutuliza maumivu ya kichwa
  • Sindano za kutuliza maumivu za kila mwezi

 

Imesomwa mara 209 Imehaririwa Jumanne, 05 Machi 2024 09:37
Dr Juma Magogo

Specialist Neurosurgeon at Muhimbili MOI na Mkurugenzi wa The Cure Specialized Polyclinic specializes in minimally invasive spine surgeries and pediatric neurosurgery. He's passionate about neuro-rehabilitation and has extensive expertise in treating vascular brain and spine diseases. He's also dedicated to addressing neurologic health disparities in underserved communities.

Anwani ya barua pepe hii inalindwa kutokana na spambots. JavaScript lazima iwe itawezeshwa kwa kuweza kuona.